Добро пожаловать!
Www.istmira.Ru
 
Первобытное общество
Древний мир
Средние века
Новое время
Новейшее время
Первая мировая война
Вторая мировая война
История России
История Беларуси
Различные темы



Контакты

 

 

логин *:
пароль *:
     Регистрация нового пользователя

Вялікае Княства Літоўскае T3 Страница - 660

Артыкулъ 27.

О покраденье ставу и сажовъки.

Уставуемъ: кому бы злодейскимъ обыча[е]мъ ловлено рыбы в ставе або в сажавце [!], таковый, кгды будеть пой-манъ и приведенъ до вряду з лицомъ первшый разъ, за дово-домъ маеть быти пугами бить. А где бы тоть же другий разъ з лицомъ былъ пойманъ, тот за доводомъ слушнымъ урезань-емъ уха каранъ будеть. А е[с]тли ся того жъ третий разъ допустить, тотъ за доводомъ слушным маеть быт[и] каранъ яко злодей, хотя бы лицо не стояло шацуючы и десети грошей.

Артыкулъ 28.

О шкоде, которая ся станеть часу пожоги або в стоненью на воде.

Кгды бы се трафило подъ часомъ от огню погоренья в месте або где колвекъ або бы хто на воде стонулъ, а в тоть часъ што ему згинуло, которая згуба у кого колвекъ бы се затаєная показала, тогды тоть, чый речи будуть, маеть з нимъ о то чынити правомъ яко о злодейство. А тоть, у кого то познано будеть, окажет ли то оповеданьемъ на вряде, же то з воды або с огня вынял, от злодейское вины воленъ будеть. А тые речи тому, чый суть, вернути, але тоть, хто такие речы свои всхочеть мети, половицею цены, чого стояти будеть, маеть у оного окупити.

Артыкулъ 29.

О людяхъ своволныхъ таковыхъ, который бы, намовивши невесту мужатку, и з нею уехалъ.

Повстегаючы злость людей своволныхъ, уставуемъ, ижъ где бы хто, якого колвекъ стану будучи, пропомневши боязни божое и повинности своее хрестияньское [у арьігінале: хрестиюньское], смелъ подъмовити и взяти кому жону, хотя жъ зъ ее призволеньемъ, и уехалъ бы з нею, тогды, будет ли постигненъ в дорозе, в месте, в господе и на которомъ кол-векъ местцу, маеть быти пойманъ и до вряду кгродского ведень, яко и который иный злочинца, або тежъ з оселости его земъское, позвы ку праву будучи притягнень на рокъ завитый, таковый за доводомъ слушнымъ горло тратить. Такъ тежъ и тая невеста, которая на то позволила, на горле карана быти маеть. Кроме того, естли бы мужъ ее горломъ карати не хотелъ, то мает зостати при воли его. А шкоды за бранье маетности за позволеньем таковое белое головы, то все з совитостью з ыменья его, хто то учинить, плачона быти маеть. Где бы ся тежъ то трафило, жебы в гоненью тотъ, который будеть гонити, от того, хто з мужаткою уездъжаеть, забить быль, або бы тежъ того, который бы таковымъ преречо-нымъ способомъ з белою головою уездъжалъ, забито, тогды в томъ судъ заховатися маеть водлугь того, яко о чужолож-нику в сем же розделе, артыкуле нижнем тридцатомъ есть описано.

Артыкулъ 30.

О каранью чужоложъства.

Забегаючи, межи иншими, и той злости, абы ся в панъствахъ наших християнъскихъ не множила, то есть чу-жоложство, которымъ немней панъ богъ бывает ображонъ, уставуем: естли бы мужъ, маючи в подозрению жону свою о чужоложство, и на тое бы ся насадиши [!] якого колвекъ стану застал з нею на вшетечности, тогды волно будеть мужу, оного чужоложника и з женою своею поймавши, и то су-седом околичным заразомъ оповедати, потомъ также зара-зомъ вести до вряду нашого кгродъского, а тамъ, показавши то передъ урядомъ явне и правдиве, не з вазни, яко противъ жоны або тому, кого с нею засталъ, маеть ихъ самотреть албо з людми сторонъними, которые бы при томъ застатью и пойманою были, албо з слугами и челядью домовою поприсег-нути. А они обоє горломъ карани быти мають.

То жъ ся маеть розумети и о панъне, которая бы, боязнь божую и въстыдъ отложившы на сторону, вшетечне мешкала, на которую повинъным по отцы и по мечу волно будеть инъстыкговати. Вед же вряд маеть пилне того постерегати, абы то не было з вазни, ненависти або с хтивости маетностей якихъ. А естли бы тот чужоложникъ не далъся поймати и в томъ былъ забит, тогды о томъ розсудокъ маеть быти такъ чинень, яко о гвалтовнику [!] дому шляхетъского, на кгвалте забитомъ, есть описано. Пакли ж бы от чужоложника мужъ в тотъ часъ при застанью его былъ забить, таковый мужобой-ца горло и честь тратить, а головщина з ыменья албо маетности его плачона будеть, и жона такая также горломъ будеть карана.

Артыкулъ 31.

О каранью зводницъ.

Уставуемъ, хотячи то мети вечными часы, ижъбы подда-ные нашы, под росказаньемъ нашымъ мешкаючи, учстиве жили, зысков спросныхъ богу и людемъ почстивымъ обрыд-лых не наследовали, прото абы такие люди, будь мужчизна або белая голова, в местех нашихъ не были терпены, которые звыкли для зыску своего спросного намовляти панъны або вдовы и мужатки кому кгволи для спросности телесное, такъ ижъ хотя бы с которое могло быть што доброго въ стане малженъскомъ, оборочаются за намовами зводницъ вни-вечъ, въ опросное а вшетечное помешкан[ь]е. Для того рос-казуемъ воеводамъ, старостамъ и уряду месткому, абы та-кихъ за оказанъемъ явнымъ имати казали и карали объре-заньемъ носа, ушу и губы и з месть выганяли. А где бы ся и по такомъ каранью тым же спроснымъ зыском жывили, тогды врядъ такихъ на горле карати маеть.

Артыкулъ 32.

О забитью бенкарта.

Хто бы бенъкаръта забилъ, таковый от горъла воленъ быти маеть. Ведь же естли бы матъка жива была оного бенкарта, волно ей будет головщизны доходити, а головъщизна таковому сыну, бы его тежъ мела неть ведома якимъ зац-нымъ чоловекомъ, не маеть быти плачона, одно яко за простого стану чоловека.


 
Разместил: admin

html-cсылка на страницу
BB-cсылка на страницу

Комментарии

 

 

Другие материалы по теме. Литература. История Беларуси.

 

Www.istmira.ru